Ábending

Aðildarsveitarfélög

Um flokkun vatna

• Yfirlit yfir flokkun vatna á Kjósarsvæðis
• Niðurstöður flokkunar og vöktunar

Um flokkun vatna

Verkefnið felst í rannsókn á sýnum úr ám og vötnum á svæðinu og skilgreiningu á hreinleika þeirra m.t.t saurgerla, helstu áburðarefna og þungmálma. Verkefnið er tilkomið vegna ákvæða í reglugerð nr. 796/1999 um varnir gegn mengun vatns .

Í reglu­gerðinni eru ákvæði sem gera heil­brigðis­nefndum skylt að rannsaka og flokka yfir­borðs­vatn og grunnvatn með til­liti til mengunar. Jafnframt er nefndunum gert að setja vötnum og ám lang­tíma­mark­mið sem miða að verndun þeirra fyrir mann­legri starf­semi og við­haldi á náttúru­legu ást­andi. Það vill segja að ef tiltekin á flokkast ósnortin eða lítið snortin, þá ber að tryggja að hún haldi þessum hreinleika um ókomna tíð, ef árvatn hinsvegar fokkast t.d verulega snortið af mannavöldum þarf að skilgreina mengun sem fer í ánna og tilgreina hvernig koma má í veg fyrir að mengunin berist í ána. Langtímamarkmið heilbrigðisnefndar eiga að birtast í aðalskipulagi og við deiliskipulagsgerð á síðan að gera skýringaruppdrátt sem sýnir ástand vatns í samræmi við niðurstöður flokkunar.

Aðferðin felur í sér að sýnataka fer fram einu sinni í mánuði og tekin sýni neðst í hverri á. Sýni vegna þungmálma og næringarefna eru greind í Svíþjóð en Matís rannsakar saurgerlasýnin. Í reglugerðinni um varnar gegn mengun vatns er fyrirmynd um hvernig sýni skulu flokkuð eftir hreinleika.

Yfirlit yfir flokkun vatna og rannsóknir á yfirborðsvatni á Kjósarsvæði

* unnið í samstarfi við Heilbrigðiseftirlit Reykjavíkur. RVK fyrir framan ártal vísar til þess að Heilbrigðiseftirlit Reykjavíkur vakaði ánna þetta ár.

Niðurstöður flokkunar og vöktunar

Greinargerð um niðurstöður rannsóknar heilbrigðiseftirlitsins á saurgerlum í Köldukvísl, Varmá og lækum á vestursvæði Mosfellsbæjar árið 2011. 

Heilbrigðiseftirlit Kjósarsvæðis rannsakaði fimm ár m.t.t. saugerla, næringarefna og þungmálma á árinu 2009. Tekin voru mánaðarlega sýni. Niðurstöður rannsókna eru birtar hér að neðan. Verkefnið var unnið í samstarfi við Umhverfis- og samgöngusvið Reykjavíkur.

Heildarniðurstöður vöktunar vatna á Kjósarsvæði árið 2009 vegna Hólmsár, Úlfarsár, Leirvogsár, Varmár, Köldukvíslar og Kiðafellsár

Táknræn yfirlitsmynd um niðurstöður flokkunar vatna. 

Eldri niðurstöður er að finna í skýrslum um viðkomandi ár og vötn.

Skýringar á táknum:Litamerkingar standa fyrir flokkun vatnanna eins og hún væri miðað viðsýnatöku í janúar 2009. Sjá nánar reglugerð um varnir gegn mengun vatns nr. 785/1999