Fyrri mynd
Nćsta mynd
Ok
Velkomin á heimasíđuna okkar. Viđ notum vefkökur (e. cookies) til ţess ađ bćta upplifun ţína og greina umferđ um síđuna. Međ ţví ađ nota vefsíđuna samţykkir ţú notkun á vefkökum og skilmála okkar.
English

Ábending

Aðildarsveitarfélög

Mosfellsbær

Seltjarnarnes

Kjósarhreppur

  1-20 af 20  
KlukkanDagsetningGrúppaFrétt
16:19 11. júl. 2018   Fréttir

Fiskadauði í Varmá Mosfellsbæ

Heilbrigðiseftirliti Kjósarsvæðis barst í dag tilkynning um fiskadauða í Varmá ofan undirgöng við Reykjalundarveg. Við skoðun fundust tveir dauðir tittir á þessum stað sem voru fjarlægðir. Engir fiskar fundust ofar í ánni. Í tilkynningunni kemur fram að fiskarnir hafi verið að drepast þegar komið var að um kl 18 í gærkvöldi (þriðjudag). Engar vísbendingar voru um ástæður þessa og engin mengun var sýnileg í ánni. Fyrir um ári var vart við fiskidauða sem átti orskök í rangri tenginu frá sundlaug með þeim afleiðingum að klórmengað vatn komst í ána og drap fiska. Þessi tenging hefur nú verið lagfærð þannig að afrennsli sundlaugarinnar fer í skópveitu. Orsaka fyrir fiskadauða nú verður því að leita annarsstaðar.
13:48 05. júl. 2018   Fréttir

Ný heilbrigðisnefnd tekur til starfa

Nýir fulltrúar hafa verið kosnir í Heilbriðisnefnd Kjósarsvæðis sem munu starfa kjörtímabilið 2018-2022. Nefndin mun skipta með sér verkum á fundi þann 26. júlí 2018. Eftirfarandi eru aðalmenn í nefninni. Hafsteinn Pálsson, D lista fulltrúi Mosfellsbæjar Hannes Tryggvi Hafstein, D lista fulltrúi Seltjarnarnesbæjar Linda Björk Ragnarsdóttir, fulltrúi atvinnulífs Magnús Rúnar Dalberg, N lista fulltrúi Seltjarnarnesbæjar Sigríður Klara Árnadóttir, fulltrúi Kjósarhrepps Valborg Anna Ólafsdóttir, fulltrúi Mosfellsbæjar
12:47 26. jún. 2018   Fréttir

Auglýsing um breytingu á gjaldskrá heilbrigðiseftirlitsins.

Auglýsing um breytingu á gjaldsskrá nr. 1080/2017 fyrir heilbrigðis- og mengunarvarnaeftirlit á svæði Heilbrigðiseftirlits Kjósarsvæðis hefur verið birt í Stjórnartíðindum og öðlast þegar gildi. Breytingin ber númerið 646/2018. Sjá gildandi gjaldskrá nr. 1080/2017 með breytingu skv. auglýsingu nr. 646/2018.
15:18 13. jún. 2018   Fréttir

Útgefin starfsleyfi aðgengileg á heimasíðu Heilbrigðiseftirlits Kjósarsvæðis

Starfsleyfi sem Heilbrigðiseftirlit Kjósarsvæðis hefur gefið út eru nú aðgengileg á heimasíðu heilbrigðiseftirlitsins og munu ný starfsleyfi birtast jafn óðum. Unnt er að sjá starfsleyfisvottorð viðkomandi starfsemi, útgáfudag og gildistíma ásamt dagsetningu síðustu eftirlitsheimsóknar.
11:53 28. mars 2018   Fréttir

Heilbrigðiseftirlitið hlýtur styrk til grunnrannsókna á lífríki Selvatns, Silungatjarnar og Krókatjarnar

Umhverfis- og auðlindaráðuneytið hefur úthlutað Heilbrigðiseftirliti Kjósarsvæðis styrk til grunnrannsóknar á vistfræði Selvatns, Silungatjarnar og Krókatjarnar í Mosfellsbæ að upphæð 1 milljón króna. Unnið er að rannsókninni af Náttúrufræðistofu Kópavogs sem áður hefur rannsakað Hafravatn og Meðalfellsvatn fyrir heilbrigðiseftirlitið. Verkefnið fellur m.a. undir reglugerð um varnir gegn mengun vatns og felst í að kanna grunnástand lífríkis í þessum vötnum sem er mikilvægt m.a. til að geta brugðist við ef ástandi hrakar síðar.
15:38 15. mars 2018   Fréttir

Olía fór niður á bílaplan við Kjarna í Mosfellsbæ

Heilbrigðiseftirlitið fékk í morgun tilkynningu um að glussaslanga á flutningabíl hefði gefið sig og olía hefði dreifst um bilaplanið við Þverholt 2 í Mosfellsbæ í kjölfarð. Eftirlitið var upplýst um að hreinsibíll væri á leiðinni og var niðurföllum lokað með vatnsfylltum plastpokum til að koma í veg fyrir að olían færi niður þar sem regnvatnslagnir enda í Varmá. Heilbrigðiseftirlitið sendi þann bíl sem kom þó í burtu þar sem spúla átti olíunni niður með tjöruleysi sem hefði nú ekki verið gott fyrir blessaða Varmána. Mengunarvaldi var leiðbeint um að kalla slökkvilið til sem mætti skömmu síðar og dreifði uppsogsefnum yfir olíuna og sópaði upp.
11:38 09. mars 2018   Fréttir

Heilbrigðiseftirlitið tekur rafbíl í sína þjónustu

Heilbrigðiseftirlit Kjósarsvæðis keypti í byrjun árs VW e-golf sem er rafbíll en embættið átti áður Ford Focus díselbíl árgerð 2009. Skv. upplýsingum á vefsetrinu Orkusetur.is má gera ráð fyrir að miðað við 15 þúsund kílómetra akstur á ári sparist eldsneytiskostnaður uppá kr. 90.144 á ári . Gamli bíllinn losaði 1.485 kg. af C02 út í andrúmsloftið en engin losun er frá nýja rafmagnsbílnum og leggur embættið þannig sitt af mörkum í baráttunni gegn losun gróðurhúsalofttegunda.
16:18 05. feb. 2018   Fréttir

Neysluvatn í Reykjavík er öruggt til neyslu

Heilbrigðiseftirlit Kjósarsvæðis vekur athygli á fréttatilkynningu frá Matvælastofnun sem birtist á vef stofnunarinnar í dag í kjölfar þess að Veitur upplýstu um of mikinn gerlafjöldi í neysluvatni í sýnum sem tekin voru af fyrirtækinu úr borholum sl. föstudag.
11:12 30. jan. 2018   Fréttir

Tilkynning um ný netföng

Ný netföng hafa verið tekin í notkun hjá Heilbrigðiseftirliti Kjósarsvæðis. Aðalnetfang heilbrigðiseftirlitsins er nú eftirlit@eftirlit.is.
16:06 19. jan. 2018   Fréttir

Neysluvatn stenst gæðakröfur neysluvatnssreglugerðar

Niðurstöður hafa nú komið úr neysluvatnssýnatöku á Kjósarsvæði frá 16. janúar og sýna þær að neysluvatn stenst nú gæðakröfur neysluvatnsreglugerðar.
14:25 16. jan. 2018   Fréttir

Neysluvatn á höfuðborgarsvæðinu er öruggt

Fundur var haldinn í stjórnskipaðri samstarfsnefnd um sóttvarnir þann 16.1.2018. Framkvæmdastjóri Heilbrigðiseftirlits Kjósarsvæðis sat fundinn.
22:31 15. jan. 2018   Fréttir

Kuldakærir gerlar í neysluvatni á Seltjarnarnesi

Tilkynning frá Heilbrigðiseftirliti Kjósarsvæðis um viðbrögð við fráviki í neysluvatni.
15:28 11. jan. 2018   Fréttir

Viðbrögð við fráviki í neysluvatni

Tilkynning frá Heilbrigðiseftirliti Kjósarsvæðis um viðbrögð við fráviki í neysluvatni.
12:41 04. ág. 2017   Fréttir

Fiskadauði í Varmá vegna klórmengunar

Skoðun heilbrigðiseftirlits á mengunaratburðum í Varmá sýnir að það var sennilega losun á klóruðu baðvatni úr setlaug hjá Reykjalundi sem varð fiskunum að aldurtila.
11:17 25. júl. 2017   Fréttir

Fréttatilkynning vegna umfjöllunar um mengun í Varmá í júní og júli 2017.

Föstudaginn 14. júlí varð vart við fiskadauða í Varmá. Skoðun sýnir að líklegt er að fiskarnir hafi drepist vegna skyndilegrar mengunar vegna efnanotkunar á vatnasviði Varmár.
16:41 27. okt. 2011   Fréttir

Haustfundur HES, SÍS, UST og MAST með ráðuneytum

Haustfundur var haldinn daganna 19. og 20. október að Hótel Reykjavik Natura.

Dagskrá ráðstefnunnar og erindi.
13:47 30. ág. 2011   Fréttir

Upplýsingar um heilbrigðiseftirlitið á ensku

Heilbrigðiseftirlitið hefur útbúið enskan vef

Tilgangurinn er fyrst og fremst að geta vísað erlendum viðskiptamönnum á upplýsingar um stofnunina. Með tíð og tíma verður svo reynt að auka efnið á síðunni eftir þörfum.
13:57 27. jún. 2011   Fréttir

Gömul skýrsla - Loftgæði í skólum og leikskólum á Kjósarsvæði

Skýrsla frá 2002 er kominn á vefinn

Á árunum 2000-2002 voru gerðar mælingar á loftgæðum í skólum og leikskólum á svæði Heilbrigðiseftirlits Kjósarsvæðis í Mosfellsbæ og á Seltjarnarnesi. Loftgæðin voru metin sem styrkur koltvísýrings, hitastig, og rakastig.
13:34 27. jún. 2011   Fréttir

Skýrsla um rannsókn á saurkóligerlum við strandlengju Seltjarnarnes.

Niðurstöður vöktunar árin 2004 til 2010.

Heilbrigðiseftirlit Kjósarsvæðis hefur tekið sýni og látið mæla gerlafjölda við strandlengjuna á Seltjarnarnesi frá árinu 2004-2010.
13:15 27. jún. 2011   Fréttir

Skýrsla um rannsókn á saurkóligerlum í Leiruvogi

Niðurstöður vöktunar árin 2004 til 2010

Heilbrigðiseftirlit Kjósarsvæðis hefur tekið sýni og látið mæla gerlafjölda við strandlengjuna í Mosfellsbæ frá árinu 2004. til loka árs 2010. Skýrsla um rannsóknarniðurstöður liggur nú fyrir.