Fyrri mynd
NŠsta mynd
Ok
Velkomin ß heimasÝ­una okkar. Vi­ notum vefk÷kur (e. cookies) til ■ess a­ bŠta upplifun ■Ýna og greina umfer­ um sÝ­una. Me­ ■vÝ a­ nota vefsÝ­una sam■ykkir ■˙ notkun ß vefk÷kum og skilmßla okkar.
English

Ábending

Aðildarsveitarfélög

Mosfellsbær

Seltjarnarnes

Kjósarhreppur

Kviðgaddalaust hornsíli úr Silungatjörn (efra) og venjulegt hornsíli úr Krókatjörn (neðra). Ljósm. Haraldur R. Ingvason.
Kviðgaddalaust hornsíli úr Silungatjörn (efra) og venjulegt hornsíli úr Krókatjörn (neðra). Ljósm. Haraldur R. Ingvason.

Ný skýrsla um lífríki Silungatjarnar, Krókatjarnar og Selvatns í Mosfellsbæ

Merkilegur fundur í Silungatjörn

Ný skýrsla hefur verið gefin út af Náttúrufræðistofu Kópavogs um lífríki Silungatjarnar, Krókatjarnar og Selvatns í Mosfellsbæ að beiðn Heilbrigðiseftirlits Kjósarsvæðis. Skýrslan er byggð á úttekt sem gerð var árið 2016. Eftirfarandi eru upplýsingar úr ágripi skýrslunnar sem skrifuð er af Haraldi R. Ingvasyni ofl. 

Markmið rannsóknarinnar var að afla grunnupplýsinga um lykilþætti í lífríki og efnabúskap vatnanna þriggja. Rannsóknin náði til efna- og eðlisþátta, vatnagróðurs, smádýralífs og fiska. 

Niðurstöður þessarar rannsóknar sýna að vötnin eru ólík innbyrgðist hvað varðar vatnsbúskap og tilvist og tegundarsamsetningu laxfiska. Þá sker Selvatn sig frá hinum vötnunum hvað þéttleika og tegundasamsetningu smádýra varðar, enda stærst og langdýpst þeirra þriggja. Vatnsgæði eru mikil m.t.t. flestra þátta og ekkert sem benir til að vötnin séu undir álagi vegna mengunar. Til að tryggja að svo verði til framtíðar þarf að gæta varúðar í umgengni á svæðinu og að auki má árétta að neðar á vatnasviðum umræddra vatna eru bæði fengsæl veiðisvæði og útivistarperlur.

Alls fundust fjórar tegundir vatnaplantna í Silungatjörn og átta í Krókatjörn. Síkjamari var yfirgnæfandi tegund en heildargróðurþekja mældist að meðaltali 72% í báðum vötnunum. Í Selvatni fundust 10 tegundir vatnaplantna og var síkjamari enn algengastur en þekja var verulega minni en í hinum vötnunum eða 28% að meðaltali. Þetta stafar af því að lítinn sem engan gróður er að finna á þeim stöðvum sem voru á 8-20 m. dýpi.

Heildarþéttleiki dýra í Silungatjörn var á bilinu 3.677-13.220dýr á m2, í Krókatjörn á bilinu 4.863-7.094 dýr á m2 og 60.345-259.002 dýr á m2 í Seltvatni. Ánar og rykmýslirfur voru uppistöðuhópar Silunga- og Krókatjörn en skelkrabbi og vatnaflær í Selvatni.

Það veiddist mikið af hornsílum í öllum vötnunum og reyndist sílin í Silungatjörn sérstök að því leyti að á þau vantaði kviðgadda. Þessu fyrirbæri hefur verið lýst úr einu öðru vatni á landinu, Vífilstaðavatni. Hvað laxfiska áhrærir þá varð ekki vart við laxfiska í Krókatjörn, aðeins veiddist urriði í Silungatjörn og bleikja í Selvatni. Uppistaðan í fæðu bleikjunnar voru sviflæg krabbadýr en hjá urriðanum bar mest á hornsílum og vatnabobbum.

Skýrsluna er hægt að sækja á heimasíðu Heilbrigðiseftirlits Kjósarsvæðis