Heilbrigðisnefnd Kjósarsvæðis
Í Heilbrigðisnefnd Kjósarsvæðis sitja sex fulltrúar, tveir fulltrúar frá Seltjarnarnesi, tveir frá Mosfellsbæ og einn frá Kjós og einn fulltrúi samtaka atvinnulífs. Hlutverk heilbrigðisnefnda er skilgreint í 13. gr. laga nr. 7/1998 um hollustuhætti og mengunarvarnir, þar segir: Hlutverk heilbrigðisnefndar er að sjá um að ákvæðum laga nr. 7/1998, um hollustuhætti og mengunarvarnir, sé framfylgt. Einnig ákvæðum reglugerða, heilbrigðissamþykkta og ákvæðum í sérstökum lögum og reglum sem heilbrigðisnefndum er, eða kann að vera falið að annast framkvæmd á. Nefndin skal vinna að bættu heilbrigðiseftirliti á svæði sínu, annast fræðslu fyrir almenning og efla samvinnu við önnur yfirvöld og aðila sem vinna að þessum málum.
Fundir heilbrigðisnefndar eru sjö til átta á hverju ári. Gögn sem leggja á fyrir fundinn þurfa að berast heilbrigðiseftirlitinu viku fyrir fund.
Eftirtaldir fulltrúar sitja í Heilbrigðisnefnd Kjósarsvæðis kjörtímabilið 2018-2022:
Valborg Anna Ólafsdóttir, formaður, fulltrúi Mosfellsbæjar (M)
valborganna(hja)gmail.com
Magnús Rúnar Dalberg, varaformaður, fulltrúi Seltjarnarnesbæjar (S)
magnus(hja)vidur.is
Hannes Tryggvi Hafstein fulltrúi Seltjarnarnesbæjar (D)
hannes(hjá)strax.is
Hafsteinn Pálsson fulltrúi Mosfellsbæjar (D)
hp(hja)mos.is
Sigríður Klara Árnadóttir fulltrúi Kjósarhrepps
sigridur(hja)kjos.is
Linda Björk Ragnarsdóttir, fulltrúi samtaka atvinnulífsins
linda(hjá)mosbak.is
Nánar um heilbrigðisnefndir
Um heilbrigðisnefndir og heilbrigðiseftirlit er fjallað í lögum nr. 7/1998 um hollustuhætti og heilbrigðiseftirlit. Þar eru ákvæði um að ekkert heilbrigðiseftirlitssvæði skuli vera án heilbrigðiseftirlits. Sveitarfélög greiða kostnað við heilbrigðiseftirlitið ef ekki er mælt fyrir um annað í lögunum.
Landið skiptist í 10 eftirlitssvæði og skal heilbrigðisnefnd, kosin eftir hverjar sveitarstjórnarkosningar til starfa á hverju svæði. Í hverri nefnd skulu eiga sæti sex menn, fimm kosnir af hlutaðeigandi sveitarstjórnum, þar af skal einn vera formaður, og einn tilnefndur af samtökum atvinnurekenda á eftirlitssvæðinu. Atkvæði formanns ræður úrslitum ef atkvæði falla jafnt í nefndinni. Náttúruverndarnefndir sveitarfélaga á eftirlitssvæðinu eiga rétt á að tilnefna einn fulltrúa í nefndina til viðbótar en hann hefur ekki atkvæðisrétt við afgreiðslu mála í nefndinni. Sömu reglur gilda um varamenn.
Um hlutverk heilbrigðisnefnda er einnig fjallað í lögum um matvæli, lögum um eiturefni og hættuleg efni og lögum um tóbaksvarnir, lögum um veitinga og gististaði. Einnig eru heilbrigðisnefndum falin verkefni skv. samþykktum sveitarfélga og öðrum lögum og reglugerðum. Þar er helst að telja lög um efni og efnablöndur, lög um meðhöndlun úrgangs.