Upplýsingar um auglýsingu starfsleyfa á sviði mengunarvarna

Í samræmi við reglugerð nr. 550/2018 um losun frá iðnaði og mengunarvarnaeftirlit eru umsóknir um starfsleyfi þeirra fyrirtækja sem talin eru upp í viðauka X í reglugerðinni nú birtar á heimasíðu Heilbrigðiseftirlits Kjósarsvæðis.  Þegar starfsleyfistillaga liggur fyrir er starfsleyfi auglýst í fjórar vikur ásamt starfsleyfisskilyrðum þar sem almenningi og þeim sem hagsmuna eiga að gæta gefst kostur á að koma að athugasemdum við starfsleyfisútgáfuna. Að fresti liðnum að teknum tilliiti til athugasemda eru starfsleyfi gefin og birt er greinargerð um afreiðsluna. Athugið að starfsleyfi fyrir matvælafyrirtæki og hollustuháttafyrirtæki falla ekki undir þessa löggjöf og eru ekki auglýst. 

Innkomnar umsóknir um starfsleyfi

Upplýsingar um innkomin starfsleyfi eru tekin af þessum lista eftir að starfsleyfi eru afgreidd. 

Starfsleyfi í auglýsingu

Athugasemdir við auglýst starfsleyfi má senda á auglýsingartíma á netfangið eftirlit@eftirlit.is eða bréflega á Heilbrigðiseftirlit Kjósarsvæðis, Þverholti 2, 270 Mosfellsbær. Þegar starfsleyfi hefur verið gefið út er hægt að skoða upplýsingar um það á hliðarstikunni: Útgefin starfsleyfi

 

Greinargerðir vegna útgáfu starfsleyfa 2020  (Í samræmi við 6. gr. reglugerðar nr. 550/2018)

Júli 2020 Greinargerð vegna umsóknar Dogsledding Iceland ehf. um starfsleyfi fyrir hundageymslu að Egilsmóum 12. Starfsleyfi hafnað.

Þann 20. maí 2020 sækir Claire Thuilliez f.h. Dogsledding Iceland ehf. um nýtt starfsleyfi fyrir hundageymslu að Egilsmóum 12 í Mosfellsdal í Mosfellsbæ. Hundageymslan er fyrir 50 sleðahunda sem eru notaðir í hundasleðaferðir fyrir ferðamenn. Fylgigögn með umsókn var bréf til íbúa. Það var auglýst samkvæmt ákvæðum laga um hollustuhætti og mengunarvarnir nr. 7/1998 og reglugerðar nr. 550/2018 um losun frá atvinnurekstri og mengunarvarnaeftirlit. Fyrirhugað leyfi var auglýst með almennum starfsleyfisskilyrðum fyrir mengandi starfsemi. Starfsleyfið var í auglýsingu frá 20. maí til 16. júní. Á auglýsingatímanum komu inn margar athugasemdir við umsóknina. Níu athugasemdir frá íbúum, einn undirskriftarlisti íbúa með 27 nöfnum og athugasemdir frá tveimur fyrirtækjum. Í bréfi heilbrigðiseftirlits til umsækjenda dagsett 23. júni voru athugasemdir nágranna kynntar og sú niðurstaða eigin athugana heilbrigðiseftirlitsins að kvartanir nágranna ættu við rök að styðjast og var umsækjendum gefin kostur á að koma með sín sjónarmið. Sjónarmið og athugasemdir umsækjenda komu fram í bréfi umsækjenda og bréfi lögmanns umsækjenda dagsett 2. júlí 2020. Umsögn Matvælastofnunar var að starfsemin uppfyllti þeirra kröfur og í umsögn skipulagsfulltrúa Mosfellsbæjar kom fram að starfsemin bryti ekki í bága við skipulag á svæðinu en að gæta þyrfti að hverfisvernd Suðurár. Starfsleyfið var tekið til afgreiðslu á 56. fundi heilbrigðisnefndar og var ákvörðun heilbrigðisnefndar að hafna starfsleyfinu vegna ónæðis frá starfseminni.
Þar sem starfsleyfi fyrir hundageymslu að Egilsmóum 12 er hafnað þarf að fjarlægja hundana af lóðinni og finna þeim annan geymslustað. Frestur til að fjarlægja hundana er gefin í 4 vikur til 6. ágúst n.k. 
Ákvörðun þessa og eftir atvikum aðra málsmeðferð er unnt að kæra til úrskurðarnefndar umhverfis -og auðlindamála, sbr. 65. gr. laga um hollustuhætti og mengunarvarnir, sbr. og lög um úrskurðarnefnd umhverfis og auðlindamála. 

Júní 2020 Greinargerð vegna umsóknar Vöku hf. um starfsleyfi fyrir geymslusvæði fyrir bifreiðar og tæki á Leirvogstungumelum. Starfsleyfi hafnað.

Þann 2. desember 2019 sækir Valur Stefánsson f. h. Vöku hf. um starfsleyfi fyrir geymslusvæði fyrir bifreiðar og tæki á Leirvogstungumelum. Óskað var umsagnar Mosfellsbæjar þann 2. desember 2019 um umsóknina og barst umsögn frá skipulagsyfirvöldum í Mosfellsbæ þann 3. desember 2019, þar sem ekki var hægt að taka afstöðu til erindisins. Umsögn skipulagsfulltrúa Mosfellsbæjar um umsókn Vöku um starfsleyfi barst 9. júní. Eftirlitsferð var farin 9. júní 2020 með fulltrúum Vöku. Nokkur hreinsun hafði átt sér stað á svæðinu. Heilbrigðiseftirlitið óskaði eftir tímasettri áætlun um hreinsun svæðisins frá Vöku í framhaldi. Minnisblað heilbrigðiseftirlits var útbúið. Vaka lagði fram tímasetta áætlun um hreinsun.
Allur atvinnurekstur sem sótt er um starfsleyfi fyrir skal vera í samræmi við skipulag. Samkvæmt umsögn skipulagsfulltrúa Mosfellsbæjar er niðurstaða umsagnar neikvæð þar sem umsókn er í ósamræmi við aðalskipulag Mosfellsbæjar sem og ákvæði skipulagsreglugerðar. Með vísan til framangreinds var umsókn Vöku um starfsleyfi hafnað á 54. fundi nefndarinnar, enda er ósk um starfsemi á svæðinu í ósamræmi við aðalskipulag Mosfellsbæjar sem og ákvæði skipulagsreglugerðar. Umsóknin var ekki sett í auglýsingaferli skv. ákvæðum 8. mgr. 6. gr. rg. nr. 550/2018 um losun frá atvinnurekstri og mengunarvarnaeftirlit, enda uppfyllti umsóknin ekki ákvæði 7. mgr. sömu greinar um að vera í samræmi við skipulag, sem er forsenda auglýsingar.
Heilbrigðisnefnd féllst á tímamörk sem fram koma í áætlun Vöku um hreinsun svæða 2, 3 og 4 en hafnar því að söfnun haldi áfram á svæði 1 (og mögulega 2). Heilbrigðisnefndin gerir jafnframt kröfu um að öll svæði verði hreinsuð innan ákveðinna tímamarka. Lokafrestur til að hreinsa öll svæði er til 1. september. Eftir 1. september skulu allir munir og allur úrgangur vera farin af svæðum 1, 2, 3 og 4 og óheimilt að safna eða geyma bíla, brotajárn, úrgang eða annað það sem óprýði er af.
Ákvörðun heilbrigðisnefndar er unnt að kæra til úrskurðarnefndar umhverfis -og auðlindamála, sbr. 65. gr. laga um hollustuhætti og mengunarvarnir, sbr. og lög um úrskurðarnefnd umhverfis og auðlindamála.

Júní 2020. Greinargerð vegna útgáfu tímabundins stafsleyfis fyrir Ístak hf. til að fjarlægja asbest úr Varmárskóla.

Þann 19. maí 2020 sækir Hermann Guðmundsson f.h. Ístaks hf. um tímabundið starfsleyfi til að fjarlægja sólbekki úr asbesti úr byggingu eldri deildar Varmárskóla í Mosfellsbæ. Starfsleyfið var í auglýsingu frá 19. maí til 15. júní. Engar athugasemdir komu inn. Starfsleyfið var samþykkt á 54. fundi heilbrigðisnefndar með gildistíma frá 20. júní til 10. ágúst. Leyfið var gefið út með almennum starfsleyfisskilyrðum fyrir mengandi starfsemi og sértækum starfsleyfisskilyrðum fyrir tímabundinn atvinnurekstur vegna niðurrifs húsa og þeirra skilyrða sem sett eru fyrir niðurrifi á asbesti í reglugerð um asbestúrgang.

Mars 2020. Greinargerð vegna útgáfu stafsleyfis fyrir Bílalökkun ehf. að Völuteigi 11. 

Þann 17. janúar 2020 sækir Brynjar Smári Þorgeirsson um starfsleyfi fyrir Bílalökkun ehf. að Völuteigi 11 í Mosfellsbæ. Starfsleyfið er auglýst frá 18. febrúar - 10. mars 2020 með  samræmdum starfsleyfisskilyrðum fyrir bifreiðasprautun. Engar athugasemdir bárust. Með vísun til 4. gr. samþykktar nr. 1300/2019 gaf framkvæmdastjóri út nýtt starfsleyfi Bílalökkun ehf. þann 11. mars 2020 með gildistíma til 12 ára. Starfsleyfið verður kynnt heilbrigðisnefnd á næsta fundi nefndarinnar. 

Mars 2020. Greinargerð vegna útgáfu stafsleyfis fyrir Atlantsolíu ehf. Sunnukrika 2, Mosfellsbæ. 

Þann 5. nóvember 2019 sækir Atlantsolía ehf. um endurnýjun á starfsleyfi fyrir sjálfsafgreiðslustöð fyrir eldsneyti að Sunnukrika í Mosfellsbæ. Starfsleyfið er auglýst frá 6. febrúar til 27. febrúar með starfsleyfisskilyrðum fyrir Atlantsolíu Sunnukrika. Engar athugaemdir bárust.  Með vísun til 4. gr. samþykktar nr. 1300/2019 gaf framkvæmdastjóri út nýtt starfsleyfi Atlantsolíu ehf þann 2. mars 2020 með gildistíma til 12 ára, fyrir sjálfsafgreiðslu á eldsneyti að Sunnukrika 2, Mosfellsbæ. Nýtt starfsleyfi verður kynnt heilbrigðisnefnd á næsta fundi nefndarinnar.  

 

Febrúar 2020. Greinargerð vegna útgáfu starfsleyfis fyrir Abltak ehf. vegna niðurrifs að Lambastaðabraut 14 á Seltjarnarnesi.

Þann 17. janúar 2020 sækir A.B.L. tak ehf. um starfsleyfi fyrir niðurrifi á Lambastaðabraut 14, Seltjarnarnesi . Starfsleyfið var auglýst frá 17. janúar 2020 til og með 14. febrúar 2020. með  starfsleyfisskilyrðum fyrir niðurrifi húsa. Engar athugasemdir bárust og var starfsleyfið gefið út þann18. febrúar 2020 með gildistíma til 17. maí 2020 með framangreindum starfsleyfisskilyrðum.

Janúar 2020. Greinargerð vegna útgáfu starfsleyfis fyrir Ísfugl ehf. alifuglasláturhús.

Umsókn um starfsleyfi barst þann 13. nóvember 2019 og í framhaldi unnið að endurskoðun starfsleyfisskilyrða. Haldinn var samráðsfundur með Mosfellsbæ þar sem fram kom að fita frá fyrirtækinu er að valda vandræðum í fráveitukerfinu auk þess sem fita af plani er leidd í grjótpúkk sem fyllist á þriggja ára fresti og er þá endurnýjað. Þörf var talin á að setja inn ákvæði sem felur í sér betri mengunarvarnir til að taka á hvoru tveggja og er gert ráð fyrir að fyrirtækinu verði gefinn aðlögunartími til að bregðast við þessari auknu kröfu.

Starfsleyfið var auglýst frá 17. desember 2019– 14. janúar 2020. Engar athugasemdir bárust og starfsleyfið því gefið út til 12. ára þann 15. janúar 2020 eins og það var auglýst.

Greinargerðir vegna útgáfu starfsleyfa 2019  (Í samræmi við 6. gr. reglugerðar nr. 550/2018)

Desember 2019. Greinargerð vegna útgáfu starfsleyfis fyrir Ístak geymslusvæði

Þann 11. janúar 2019 sækir Ístak hf. um starfsleyfi fyrir geymslusvæði fyrir búnað og tæki Ístaks að Tungumelum á 2,35 ha lóð. Starfsleyfið er auglýst með almennum starfsleyfisskilyrðum fyrir starfsemi sem valdið getur mengun. Fyrir liggur umsögn Mosfellsbæjar um starfsleyfið. Starfsleyfið er auglýst frá 5. desember - 2. janúar 2020. Fyrir liggur samkomulag um stofnun og leigu lóðar af Mosfellsbæ dagsett 2. febrúar 2019. Engar athugasemdir bárust. Starfsleyfið var gefið út til 12 ára þann 6. janúar 2020. 

Desember 2019. Greinargerð vegan útgáfu starfsleyfis fyrir SS Gíslason viðgerðir ehf. 

Þann 19. nóvember 2019 sækir SS Gíslason viðgerðir ehf. um endurnýjun starfsleyfis fyrir bifreiðaviðgerðir og járnsmíði.Starfsleyfið er auglýst frá 19. nóvember 2019 til 17. desember 2019 samræmdum starfsleyfisskilyrðum fyrir bílaverkstæði og skyldan rekstur. Engar athugasemir bárust. Starfsleyfið var gefið út til 12 ára með framangreindum starfsleyfisskilyrðum þann 18. desember 2019.

Desember 2019. Greinargerð vegna útgáfu stafsleyfis fyrir VGH Mosfellsbæ ehf.

Þann 25. nóvember 2019 sækir VGH Mosfellsbæ ehf. um endurnýjun á starfsleyfi fyrir VGH ehf verktakaaðstöðu að Flugumýri 36, Mosfellsbæ. Starfsleyfið er auglýst frá 25. nóvember 2019 - 16. desember 2019 með almennum starfsleyfisskilyrðum fyrir starfsemi sem valdið getur mengun. Engar athugasemir bárust. Starfsleyfið var gefið út til 12 ára með framangreindum starfsleyfisskilyrðum þann 18. desember 2019.

Desember 2019. Greinargerð vegna útgáfu starfsleyfis fyrir áramótabrennu á Seltjarnarnesi. 

Þann 27. nóvember 2019 sækir Gísli Hermannsson fh. Seltjarnarnesbæjar um tímabundið starfsleyfi fyrir litla áramótabrennu að Valhúsahæð á Seltjarnarnesi. Starfsleyfið er auglýst frá 27. nóvember - 18. desember 2019 með samræmdum starfsleyfisskilyrðum fyrir brennur. Engar athugasemir bárust. Starfsleyfið var gefið út með framangreindum starfsleyfisskilyrðum þann 18. desember 2019. 

Desember 2019. Greinargerð vegna útgáfu starfsleyfis fyrir áramótabrennnu í Mosfellsbæ. 

Þann 27. nóvember 2019 sækir Haukur Sörli Sigurvinsson f.h. Handknattleiksdeildar Aftureldingar um tímabundið starfsleyfi fyrir litla brennu. Starfsleyfið er auglýst frá 27. nóvember til 18. desember  2019 með samræmdum starfsleyfisskilyrðum fyrir brennur. Engar athugasemir bárust. Starfsleyfið var gefið út með framangreindum starfsleyfisskilyrðum þann 18. desember 2019. 

Desember 2019 Greinargerð vegna útgáfu starfssleyfis fyrir Nýmót ehf. 

Þann 15. nóvember 2019 sækir Hermann Arason um starfsleyfi f.h. Nýmót ehf. um starfsleyfi til niðurrifs á Nesvegi 115, Seltjarnarnesi. Starfsleyfið er auglýst til 13. desember n.k. með  starfsleyfisskilyrðum fyrir niðurrifi húsa. Engar athugaemdir bárust. Starfsleyfið var gefið út þann 16. desember 2019 með framangreindum starfsleyfisskilyrðum með gildistíma til 15. febrúar 2020. 

Desember 2019 Greinargerð vegna útgáfu starfssleyfis fyrir Nýju Bílasmiðjuna h.f. 

Þann 28. október 2019 sækir Ágúst Ormsson um endurnýjun starfsleyfis fyrir Nýju Bílasmiðjuna h.f. að Flugumýri 20, Um er að ræða bifreiðasmíði, bílaréttingar og bílamálun. Starfsleyfið var auglýst frá 4. nóvember 2019 - 2. desember 2019 með samræmdum starfsleyfisskilyrðum fyrir bifreiðasprautun. Engar athugaemdir bárust. Starfsleyfið var gefið út til 12 ára með framangreindum starfsleyfisskilyrðum. 

Desember 2019 Greinargerð vegna útgáfu tímabundins leyfis fyrir þrettándabrennu Mosfellsbæjar 

Þann 22. október 2019 sækir Bjarni Ásgeirsson um tímabundið starfsleyfi fyrir litla brennu sem kveikt verður í þann 6. janúar 2019 milli kl 17.50 og 19.00 neðan Holtahverfis við Leirvog í Mosfellsbæ. Starfsleyfið er auglýst frá 4. nóvember 2019 til 2 . desember 2019 með samræmdum starfsleyfisskilyrðum fyrir brennur. Engar athugaemdir bárust. Starfsleyfið var gefið út af heilbrigðis

Október 2019 Greinargerð vegna út gáfu tímabundins starfsleyfis fyrir Sótthreinsun ehf. 

Þann 23. ágúst 2019 sækir Gylfi Þór Gylfason um starfsleyfi fyrir Sorptunnuþrif ehf. verktakaaðstöðu vegna sótthreinsunar á sorptunnum. Starfsleyfið var auglýst með almennum starfsleyfisskilyrðum fyrir starfsemi sem valdið getur mengun frá 13. september til 11. október 2019. Engar athugasemdir bárust. Starfsleyfið var gefið út til 12 ára þann 12. október 2019 með framangreindum starfsleyfisskilyrðum. 

September 2019 Greinargerð vegna útgáfu tímabundins stafsleyfis fyrir Abltak ehf. vegna niðurrifs

Þann 11. júlí 2019 (mótttekið 14. ágúst 2019) sækir Abltak ehf um tímabundið starfsleyfi fyrir niðurrifi á Hamargötu 8 Seltjarnarnesi. Starfsleyfið var auglýst frá 14. ágúst - 11. september 2019 með starfsleyfisskilyrðum fyrir niðurrifi húsa. Engar athugasemdir bárust og var starfsleyfið gefið þú 12. september með gildistíma til 15. október 2019 með framangreindum starfsleyfisskilyrðum.

September 2019 Greinargerð vegna útgáfu stafsleyfis fyrir Skybus ehf.

Þann 31. júlí 2019 sótti Kjartan Róbersson um starfsleyfi fyrir hönd Skybus ehf. fyrir bifreiðaverkstæði og þvottastöð fyrir eigin hópferðabíla að Desjamýri 3. Starfsleyfið var auglýst frá 2. ágúst - 30. ágúst 2019  með samræmdum starfsleyfisskilyrðum fyrir bílaverkstæði og skyldan rekstur.og samræmdum starfsleyfisskilyrðum fyrir bónstöðvar og bílaleigur. Engar athugasemdir bárust, starfsleyfið var gefið út til 12 ára þann 6. september 2019 með framangreindum starfsleyfisskilyrðum. 

September 2019 Greinargerð vegna útgáfu stafsleyfis fyrir Far Vel ehf. 

Þann 30. júlí 2019 sækir Helgi Þór Guðmundsson um starfsleyfi fyrir hönd Far Vel ehf. ( Prime Tours) fyrir bifreiðaverkstæði og þvottaðstöð fyrir eigin hópferðabíla að Desjamýri 1. Starfsleyfið var auglýstfrá 31. júlí - 28. ágúst 2019 . með samræmdum starfsleyfisskilyrðum fyrir bílaverkstæði og skyldan rekstur.og samræmdum starfsleyfisskilyrðum fyrir bónstöðvar og bílaleigur.Engar athugasemdir bárust, starfsleyfið var gefið út til 12 ára þann 6. september 2019 með framangreindum starfsleyfisskilyrðum. 

September 2019 Greinargerð vegna útgáfu stafsleyfis fyrir Thor Custum Garage ehf. 

Þann 30. júlí 2019 sækir Krzysztof Lempicki um starfsleyfi fyrir hönd Thor Custum Garage ehf. um starfsleyfi fyrir almennt bílaverkstæði og handþvottastöð að Desjamýri 1. Starfsleyfið var auglýst frá 31. júlí- 28. ágúst 2019 með samræmdum starfsleyfisskilyrðum fyrir bílaverkstæði og skyldan rekstur.og samræmdum starfsleyfisskilyrðum fyrir bónstöðvar og bílaleigur.Engar athugasemdir bárust, starfsleyfið var gefið út til 12 ára þann 6. september 2019 með framangreindum starfsleyfisskilyrðum. 

Ágúst 2019. Greinargerð vegna útgáfu starfsleyfis fyrir Kastor7 ehf. 

Þann 15. júlí 2019 sækir Hulda Kolbeinsdóttir um nýtt starfsleyfi fyrir Kastor 7 ehf. kt. 520219-1290, almennt bílaverkstæði og bílamálun að Desjamýri 1. Starfsleyfið var auglýst frá 17. júlí - 14. ágúst 2019 með samræmdum starfsleyfisskilyrðum fyrir bílaverkstæði og skyldan rekstur. Engar athugaemdir bárust og var starfsleyfið gefið út þann 15. ágúst 2019 með framangreindum starfsleyfisskilyrðum. 

Ágúst 2019. Greinargerð vegna útgáfu tímabundins starfsleyfis fyrir Veitur ohf. vegna viðhalds undirstaðna Nesjavallaæðar.

Þann 11. júlí 2019 sækir Ólafur Tryggvason um tímabundið starfsleyfi fyrir Veitur ohf. kt. 501213-1870 að framkvæma viðhald á undirstöðum Nesjavallaæðar á verndarsvæði vatnsbóla höfuðborgarsvæðisins á fjarsvæði vatnsverndar og öryggissvæði vatnsverndar vegna yfirborðsvatns. Nánar tiltekið er framkvæmdin hreinsun og viðgerðir á steinsteyptum undirstöðum og festum, sílanhúðun og málun. Starfsleyfið var auglýst  frá 17. júlí- 14. ágúst 2019 með almennum starfsleyfisskilyrðum fyrir starfsemi sem valdið getur mengun eins og við á. Engar athugassemdir bárust og var starfsleyfið gefið út þann 15. ágúst 2019 með gildistíma til 15. nóvember 2019. Krafa er um að farið sé að samþykkt um vatnsverndarsvæði höfuðborgarsvæðisins auk framangreindra skilyrða. 

Júlí 2019. Greinargerð vegna útgáfu starfsleyfis fyrir Makíta ehf. meindýraeyðingu og garðaúðun Byggðarholti 51, Mosfellsbæ.

Þann 16. maí 2019 sækir Guðmundur Sverrisson um nýtt starfsleyfi fyrir Makita ehf, meindýraeyðingu og garðaúðun að Byggðarholti 51 í Mosfellsbæ. Auglýsingatími var frá 15. maí til og með 12. júní 2018. Engar athugasemdir bárust. Starfsleyfið var gefið út þann 3. júlí. Rekstraraðili er skuldbundinn til að fara eftir gildandi reglugerð um meðferð varnarefna og gildandi starfsleyfisskilyrðum fyrir eyðingu meindýra

Júlí 2019. Greinargerð vegna útgáfu starfsleyfis fyrir N1 ehf. smurstöð Langatanga, Mosfellsbæ 

Þann 16. apríl 2019 N1 sækir um endurnýjun á starfsleyfi fyrir N! ehf smurstöð og hjólbarðaverkstæði að Langatanga 1a í Mosfellsbæ. Auglýsingatími var frá 15. maí til og með 12. júní 2018 Engar athugasemdir bárust. Starfsleyfið var gefið út þann 3. júlí 2019 til 12 ára með vísun í almenn starfsleyfisskilyrði fyrir starfsemi sem valdið getur mengun auk sértækra starfsleyfisskilyrða fyrir smurstöðvar.

Apríl 2019. Greinargerð vegna útgáfu tímabundnu starfsleyfis fyrir niðurrifi á byggingum að Bröttuhlíð 16-18

Þann 31. janúar 2019 sækir Helgi Rafnsson um leyfi til að rífa alifuglahús, hesthús og hlöðu að Brattahlíð 16-18. Starfsleyfið var auglýst á vef Heilbrigðiseftirilts Kjósarsvæðis í fjórar vikur engar athugaemdir bárust. Heilbrigðiseftirlitið gaf út tímabundið starfsleyfi fyrir niðurrifi á þessum eignum með starfsleyfisskilyrðum fyrir niðurrifi húsa þann 27. febrúar 2019 með gildistíma til 27. apríl 2019. 

Mars 2019. Greinargerð vegna útgáfu tímabundins starfsleyfis fyrir niðurrifi á golfskálanum við Leirutanga 

 

Þann 6. febrúar 2019 sækir ÞK byggingastjórn og ráðgjöf um tímabundið starfsleyfi til niðurrifs  á golfskálanum við Leirutanga í Mosfellsbæ ásamt nærliggjandi geymsluskúr. Starfsleyfið var auglýst í fjórar vikur á vef Heilbrigðiseftirlits Kjósarsvæðis engar athugaemdir bárust. Heilbrigðiseftiriltið gaf út tímabundið starfsleyfi fyrir niðurrifi á þessum eignum með starfsleyfisskilyrðum fyrir niðurrifi húsa þann 7. mars 2019 með gildistíma til 1. maí 2019. Greinargerð vegna útgáfu

Febrúar 2019 Greinargerð vegna endurnýjunar á sstarfsleyfi Borgarplast hf., Völuteigi 31-31a í Mosfellsbæ.

Þann 3. desember 2018 sækir Borgarplast hf um endurnýjun á starfsleyfi fyrir hverfisteypu- og frauðplastverksmiðju að Völuteigi 31-31a í Mosfellsbæ. Endurskoðað starfsleyfi fyrir Borgarplast hf er auglýst frá  10. janúar til 7. febrúar 2019 á vefsvæði Heilbrigðiseftirlits Kjósarsvæðis í samræmi við reglugerð nr. 550/2018 um losun frá atvinnurekstri og mengunarvarnir. Engar athugasemdir bárust og gaf Heilbrigðiseftirlit Kjósarsvæðis leyfið út í framhaldinu þann 8. febrúar 2019. Starfsleyfið verður lagt fyrir Heilbrigðisnefnd Kjósarsvæðis á fundi þann 14. febrúar þar sem óskað er staðfestingar á starfsleyfisútgáfu heilbrigðiseftirlitsins.

Janúar 2019. Greinargerð vegna útgáfu starfsleyfis fyrir N1 ehf. Háholti 11 í Mosfellsbæ.

Umsókn um starfsleyfi barst þann 30. nóvember 2018 og var umsókn auglýst á vef Heilbrigðiseftirlits Kjósarsvæðis. Starfsleyfisskilyrði voru unnin í framhaldi og kynnt rekstaraðila í tölvupósti, Rekstaraðili benti var á misræmi um framseljanleika starfsleyfis sem tekið var tillit til. Í framhaldi voru starfsleyfisskilyrði auglýst á vef Heilbrigðiseftirlits Kjósarsvæðis frá 30. nóvember – 28. desember 2018. Engar athugasemdir bárust. Á fundi Heilbrigðisnefndar Kjósarsvæðis var starfsleyfisumsókn lögð fyrir og eftirfarandi bókun gerð:

N1 ehf. sækir um nýtt starfsleyfi fyrir bensínafgreiðslu að Háholti 11, Mosfellsbæ vegna eigendaskipta. Starfsleyfistillaga er auglýst  á vef  heilbrigðiseftirlitsins frá 30. nóvember 2018- 28. desember 2018.

Samþykkt að fela heilbrigðiseftirlitinu að gefa út starfsleyfið út  til 12 ára með starfsleyfisskilyrðum fyrir bensínafgreiðslu N1ehf. Háholti 11, Mosfellsbæ, með fyrirvara um að engar athugasemdir berist við starfsleyfistillöguna á auglýsingartímanum. 

Starfsleyfi var gefið út af heilbrigðiseftirlitinu með gildistíma frá 1. janúar 2019.

Greinargerðir vegna útgáfu starfsleyfa 2018  (Í samræmi við 6. gr. reglugerðar nr. 550/2018)

Greinargerðir vegna starfsleyfisútgáfu vegna brenna

Mosfellsbær hefur fengið tímabundið starfsleyfi fyrir litla þrettándarennu, Ábyrgðarmaður brennu er Bjarni Ásgeirson. Leyfið var samþykkt á fundi Heilbrigðisnefndar Kjósarsvæðis þann 20. desember 2018 með vísun í samræmd starfsleyfisskilylyrði fyrir brennur. Starfsleyfistillagan var áður auglýst á vef heilbrigðiseftirlitsins frá 27. nóvember til og með 24. desember 2018 á vef heilbrigðiseftirlitsins, engar athugasemdir bárust.

Seltjarnarnesbær hefur fengið tímabundið starfsleyfi fyrir áramótabrennu. Ábyrgarmaður brennu er Gísli Hermannson. Leyfið var samþykkt á fundi Heilbrigðisnefndar Kjósarsvæðis þann 20. desember 2018 með vísun í samræmd starfsleyfisskilylyrði fyrir brennurStarfsleyfistillagan var áður auglýst á vef heilbrigðiseftirlitsins frá 19. nóvember til  og með 16. desember 2018 á vef heilbrigðiseftirlitsins, engar athugaemdir bárust.

Ungmennafélagið Afturelding hefur fengið leyfi fyrir áramótabrenna. Ábyrgðarmaður brennu er Haukur Sörli Sigurvinsson. Leyfið var samþykkt á fundi Heilbrigðisnefndar Kjósarsvæðis þann 20. desember 2018 með vísun í samræmd starfsleyfisskilylyrði fyrir brennur. Starfsleyfistillagan var áður auglýst á vef heilbrigðiseftirlitsins frá 22. nóvember til og með 19. desember 2018 á vef heilbrigðiseftirlitins, engar athugaemdir bárust. 

Greinargerð vegna tímabundins starfsleyfis fyrir niðurrifi á Laut við Dælustöðvarveg

Hermann Þór Baldursson f.h. Berserkja ehf. hefur fengið tímabundið leyfi til að rífa Laut við Dælustöðvarveg 4 b.  Auglýsingarferli er lokið. Engar athugasemdir bárust. Starfsleyfið var gefið út 30. nóvember 2018 til 15. febrúar 2019 ára með tilvísun í starfsleyfisskilyrði fyrir niðurrifi á húsum. Afgreiðslan var staðfest á fundi heilbrigðisnefndar Kjósarsvæðis þann 20. desember 2018.

Greinargerð vegna starfsleyfis fyrir Sleggjuna Þjónustuverkstæði Desjamýri 10

Sleggjan ehf. Desjamýri 10 í Mosfellsbæ hefur fengið starfsleyfi til að reka þjónustuverkstæði Sleggjunnar ehf. Auglýsingarferli er lokið. Engar athugaemdir bárust. Starfsleyfið var gefið út til 12 ára þann 30. nóvember 2018 með starfsleyfisskilyrðum fyrir Sleggjuna ehf. þjónustuverkstæði.  Afgreiðslan var staðfest á fundi heilbrigðisnefndar Kjósarsvæðis þann 20. desember 2018.